自家製羅漢果糖 (轉貼)

 我稱佢為“滴滴金” (recipe 👇👇👇)

呢樽嘢係醞含咗五個金羅漢果嘅精華， 所以我稱之為滴滴金， 羅漢果糖無論喺味道以及對血糖影響方便都係好優勝嘅， 但係喺iherbs 買幾十蚊一包, 仲要得係細細包，明明羅漢果就係5蚊一個！！！ 咁我又自己試下整囉，其實喺i herbs都見到有羅漢果extract 賣㗎, 又係細細樽幾十蚊, 我想將佢做到超濃縮即係話落幾滴已經夠啦～

咁你哋又會問：羅漢果會唔會有陣怪味㗎？

做滴滴金一定要用金羅漢果， 冷凍風乾嗰隻！！做嘅時候要心唔要皮， 如果你係用普通嗰啲羅漢果佢哋係烘乾嘅時候隻羅漢果已經焗燶咗喇～所以會有怪味， 同埋嗰個奇怪嘅aftertaste係喺個皮嗰度來， 淨係用個心做出嚟嘅羅漢果糖液 背帶 微微一點點的雲呢拿香。

我咁人見人愛😘😘藥材鋪阿姐送我一個，所以呢度成本盛為20蚊！ 其實價錢都唔係最重要，最重要係純天然完全知道自己放緊啲乜嘢入口！！！

RECIPE 🎉🎉🎉

滴滴金羅漢果糖漿：

金蘿漢果5 個

水2.5-3 L

用手將羅漢果皮壓碎， 然後攞出果肉及果核。

一個大煲水煲滾然後放入羅漢果肉及核( 佢係黐埋一舊嘅盡量整散佢)。

中火煮半個鐘頭然後收細火煮一至一個半鐘 期間應該會收一半水如果你個爐火力太猛收水太快可加一些水。

用一個幼鐵篩渣，隔時用一個匙羹盡量把汁液壓出來。

把汁液放回煲內， 開細火收水

視乎你嘅喜好如果想好似我咁超濃縮就收至大約50 ml，你冇咁多時間同心機就收至大約100 ml（ 冇咁濃縮）

每人口味不同整完之後可以放幾滴落清水試下甜味

如果加入咖啡，我落七至八滴就夠啦～

明嘅我明嘅 ～我識做㗎啦！排食譜啦(已post)

＃Za姐生酮 ＃生酮飲食 ＃生酮香港 ＃ketohk #howILoose30pound ＃30磅是這樣減的 ＃減重 ＃減肥 ＃減脂 ＃自制羅漢果糖 ＃monkfruitextract