我的家庭醫生- 梁海全

話說我身體都幾弱, 以前係灣仔返工時, 成日都要睇醫生。 同事介紹咗樓下附近一個醫生, 真係幾好。

有人話睇醫生要同佢夾, 我諗我同佢都幾夾。
佢間診所門面真係麻麻。 但以我一向只要真才實料, 門面都係其次為大前題。 梁海全醫生現在已成為我的家庭醫生了。

發生了2件事件,令我覺得佢真係得,唔係當秘笈。

事件1
大約3年前, 我有一位大隻(即係肥)日本男同事嚟香港上training。 返工第二日已經話唔係好舒服,我班同事以為佢水土不服水加上之前嗰晚飲多, 所以無理佢。 但過了半個鐘見佢成塊面青曬又不停流冷汗, 就心知不妙。即刻帶佢落樓下睇醫生。梁醫生一見佢就知佢乜事, 幫佢打咗支了止痛針之後就話佢個腎應該有結石, 寫咗紙佢入養和。 去到養和做完檢查, bingo 中曬!!

事件2
大約1年前, 我有一日起身唔係好舒服。 過咗一陣心跳又快又好似呼吸困難 (話說我本身有哮喘), 我就即刻去睇醫生. 醫生一見我就即刻叫白車, 因為佢話我心臟有事好危險。 去到急証又係如佢所講我心臟有事, 在此不詳加說明我嘅情况了。

佢重有一樣好, 就係開診時間長。b 星期一至五, 08:30-20:00, 星期六 08:30-17:00, 星期日同假期都開08:30-13:00。

講咗咁多, 我覺得佢有d 嘢唔好, 就係佢不設電話掛號同唔會收証入醫院囉。 但係作為普通家庭醫生, 佢又真係唔錯啦!!
如果你住嗰附近又要睇醫生, 不妨試下揾佢。 總好過揾d黄绿, 睇咗等於無睇。

P.S. 以上纯屬個人意見, 唔係廣告。